• TABLE OF CONTENTS
HIDE
 Front Cover
 Half Title
 Table of Contents
 Ayllut"a
 Umat"a
 Iskuylat"a
 Jintlit"a tirsmamst"a
 Back Cover














Title: Jayas markan jakatpt"a
CITATION PAGE IMAGE ZOOMABLE
Full Citation
STANDARD VIEW MARC VIEW
Permanent Link: http://ufdc.ufl.edu/UF00076791/00001
 Material Information
Title: Jayas markan jakatpt"a
Physical Description: Book
Creator: Hardman, Martha James
 Subjects
Subject: Indians of South America -- Languages -- Peru   ( lcsh )
Indians of South America -- Texts -- Peru   ( lcsh )
 Record Information
Bibliographic ID: UF00076791
Volume ID: VID00001
Source Institution: University of Florida
Rights Management: All rights reserved by the source institution and holding location.

Table of Contents
    Front Cover
        Front Cover 1
        Front Cover 2
    Half Title
        Half Title
    Table of Contents
        Table of Contents
    Ayllut"a
        Page 1
        Page 2
    Umat"a
        Page 3
        Page 4
    Iskuylat"a
        Page 5
        Page 6
    Jintlit"a tirsmamst"a
        Page 7
        Page 8
        Page 9
        Page 10
    Back Cover
        Page 11
        Page 12
Full Text







JAYAS
MARKAN
JAKATPT"A

LEONCIO
MANRIQUE









UMAT"A. .. ................................


ISKUYLAT"A .............................. 5



JINTLIT"A TIRSMAMST"A.................. 7


AYLLUT"A ................................ 1







AYLLUT"A


Jayasqa Marksa sujt partinkanwa.
Aylluw utkna, sujt ayllu. Nuystr amwanwa
dip"a, ukatq kada aylluw jatxaykajtn putaka,
mut'alsa. Uk"w palkajtna. Fistap" nursanq
tur jaylltaw utkna.

Aylluqa Nutqu, Purshullka, Aysha,
Ayshullka, Jilashullka, Q"ullana. Ukaw
uksw utkna.

Ashaq ishkasw jaqiq munkitxi.
Pagarkajtna midya butilla, may butilla
ukachwa. Jayrkajtn paqllaw kurpusn aruma,
bispima. Apsapqa mut'alsas kunbitktna.
Uksa uks markaw palktna.


_~ __





JNutqu
Pursbullka
Aysba
Aysbullka
Jilasbullka
Q ullana








UMAT"A


Ak Markanqa pajaw qucxsa Challwa
Chullumpi. Ukq sarkajtna disimbrinwa.
Fibrim marsunwa nutt'kajtna. Agustkama
uk"am utkna.

Ukq juydiyaws utkna um yakkna
Willchaka, Aysham Qullqar. Yakk"aw ary
Afiayayna Qucxpirqna. Ukq juydyawq
numbrkajtn uks yapuni. Ish yapniqa ishaw
ukq ujtkantxi. Umq yakkan dumingunwa.
Ukq ukp" partit"w markar ujtq"kiriwna.
Ukanw yakkn um ump"t"a.

Uk"maw yatxiskajtna. Ishaw yapuq
masaq utkitxi. Ak yapchasanktanwa awilasn
jayt'atp"a, awilasn jayt'at"p"a.


Uk"machawkajtanwa.









Ukatqa ujtkna narq atx'i. Narq atx'nqa
pinkllunw atx'kajtna.

Ukat"wa wijchinqa saqt" palkajtna, kis
uchup"min papap"mina.

Uks narq atx'iri, k"uw ladunpsa ak
ladunpsa.

Karg utkajtna kapitanja mayurdumja.
Mayuralanw wijichktna. Uk"ap" narq
atx'irw waytruykna chiwqupna waytja,
mayuralaqa.


Ukchawa.


____




5



ISKUYLAT"A


Naqill jakshukanhanq iskuylaq
utkatkaswa.

Markaqa manh Llanqasn Puynt
trabajwata. Ukat intradn pagarkna maystrja,
jay market" maystrja. Marta Gagwanw
warmit"a, karmat"wa Adan Pita. Marta
Gago wallmichkun yatxchiw kantja, birs
uk"ap"a yatxchiwi.

Ukatqa district nurawi, waranhq iskufi
pacxkan kims cxunhk sujtan watna.
Puyblchawanr ukqa, markaqa, kumunidadi.
Ukatq naw awturidad jalshnhanw
rikunusayawt"a kumunidadja. Primir
alkaldiqa jalshuwi Rupirtu Fluriswa.









Ukatqa bibliwtiktakiq
kumunidadiwa. Qillays utkna,
kumisyun mandaw awturidadja.

Ukaw bibliwtiksanq utki, isk
apartu fisiktaki kimiktaki uk"p"a.


alawi
uk"wa


aylanpsa


T"akisps trabajkajtn uk"swa. Ajinti
utkna, tinyinti, juydipasi, uk"chawa
libantkna.

Amur arigkajtna uk"achswa. Ishaw
siparaskajtantxi. I








JINTLIT"A TIRSMAMST"A


Nanqa awilanhw
utkna.

Tupinachakasna
imk"awata. Wak
isht'rishwata. Watq
isht'ishiwq"ata.


atxamkutna jintlimn


mayq"a awilanhw
kuydkipna tindaq
jalmrwat awilanhqa


Ukatq mamp"q mawi, ni akwitx.

Ukatq kuramn akankna. Kuraq
altukrusiwshq mawi. Ukshamm janwawq"i.
Imk"awataqa sawimna.


~~









Jayasq utkataw jintil uta, Tupinachak
manh kayna, ukatq ary Wantuma, kallips
utkata. Ukat"w k"uw Ch'uch'na, ukatq aka
P"up"r ary nama. Mallmasna utarqaywata.

Sakn jaqiqa ak markanqa ishamn
utkantxi girra utki> sashumn ary puntn
nurarqayawi utap"a. Uk"mamn amrqaykna.

Ukatq uk Tirsmamsaqa yakktna wakja.
Yaknushtakiqa ask"aykajtna yatxkirja. Ak
Markmashsanqa panitx"uk"aw utkna. Ukatq
ask"ayktna uksharwa tinkaykajtn uk"ap"a.


~~~_~










- ,

C; A.















Is































































































tt




University of Florida Home Page
© 2004 - 2010 University of Florida George A. Smathers Libraries.
All rights reserved.

Acceptable Use, Copyright, and Disclaimer Statement
Last updated October 10, 2010 - - mvs